موقف مرعب مع الشياطين .. وااااو

السلام عليكم و رحمة الله و بركاته

الله يسلمكم في نوعين من الشياطييين

شياطين الجن ..و شياطين الانس

و ياكثرهم عندنا

عاد هالمرة بقولكم موقف صادني مع شياطين الانس

وصج يعني خلوني اعيش حاله رعب حتى الينانوه ماخرعوني هلون

كان يا مكان في قديم الزمان .. كان عمري يمكن 18 .. كنا راييحين نخيم مع الاهل كلهم .. و كان حزه ليل تقريبا 11 ولا 12

و مخيمنا مدعووس مافي احد يمنا كان و الدنيا ظلااااااااام و سهده و السما جمييييييله نيوم تتلألا .. و الجو ولا احلى برااد و نسايم حلووة<<ياعيني على الوصف

المهم .. كان في مباره مادري شنو الكل يطالعها .. و اليهال يلعبون يم الخيمه

انا و اختي الله يهدينا و يصلح حالنا .. قلنا خل نطلع من الخيمه نتمشى يمها .. و طبعا لان ظلاام و محد يمنا طلعنا بلا دفه ولا شيله<<يعني هباله لاصارت ولا استوت

ابي اعرف شلون كنت افكر ذيك الوقت خخخخ

مراد

قعدنا نتمشى مستانسين على روحنا<< اقول استريحو .. و مستانسين على الجو الي يطرب

شوي وشوي و احنا نغني رحنا تقريبا 10 امتار عن خيمتنا .. يعني نشووووف الخيمه و يشوفونا .. و نشوف اليهال يلعبون

تمينا نطالع السما و حدنا داشين فيلنق <<صج ايام الخبال

لكن ..

ان ربك لبالمرصاد

جان نشوف من بعييد من تحت موترسياكل يمكن 7 هلون طايفيين .. و انا على بالي بعااد

وربي في ثواني

ماشوفهم الا عندنا!!!

ولا وقفوا بينا و بين خيمناااا

و محد برع اليهال دخلوا كلهم

ياويلناااا

حسيت روحي خلاص باموت بطب من الخوف

ومااحس بريولي ماتتحرك

ماقدر اتكلم .. الصوت راااح

اقول في قلبي .. لاااااااااا الليله احنا مخطوفين<<من الخبال و ما يسوي

و جان واحد منهم يجرب منااا

حسيت خلاص مصيرنا في يدهم يذبحونااا يختطفونااا

<<البنيه خلاااص وقف قلبها .. تحسون بالشعور الي ماتسمعون الا بس صوت قلبكم و اهوا يدق و كنكم طايحين في حفره عوووووده

و يقطع دقات قلبي صوته و اهوا يقول ..

تبين تركبين معاي؟

<<ياخي شتبي من الحياه

اهني عاد طلع صوتي انا و اختي

جان انطقها بصوت واااحد يماااااااااااااااااااااااااااااااااااااااااااااااا اا و ميودين ايادي بعض و احنا نركض باتجااه المخيم<<يعني صج كان شكلنا تحــــــفة متكسره

احلى شي الايادي ويا الركضه

و احنا شاخطينها الا اسمع واحد منهم يقول ..

مســاكين ..خافوا!!<<اتصدق عاد بس خفنا!

و سييييده دخلنا الخيمه .. ولا احد سمع صوتنا معنه توقعت وصل لي القمر

الا ذاك المجرم يي لي مخيمنا و يقول بصوت عالي باااااييكم باجر بعد <<محد صافقك بطابوقه

الحمدالله ماكانوا من النوع الي يختطفون .. ولا جان علووووم

شفتوا شياطين الانس شلون يخرعون

و اتمنى الكل يشارك بمواقف مرعبه حصلت له ..

انتضر ردودكم

مشكور ع الموضوع

العفو ع المرووور وين الردوود